End of year message from BMC CEO Paul Ratcliffe

Dringfa olaf y flwyddyn i mi oedd Curved Ridge ar Buachaille Etive Mòr, gyda Finlay Wild ac aelodau o’r Tywyswyr Mynydd Prydeinig. Fel yr oeddem yn disgyn, myfyriais ynghylch y flwyddyn a pha mor ffodus ydw i gael mwynhau ein tirweddau mynyddig ysblennydd ac i fod yn rhan o’r gymuned ysbrydoledig a chefnogol yma, sef Cyngor Mynydda Prydain.

Mae cymuned wedi bod wrth wraidd y Cyngor Mynydda Prydain (BMC) ers y cychwyn. Wrth i'r flwyddyn ddod i ben, bu i’n rhwydwaith o 244 o glybiau dyfu i gynnwys mwy na 26,483 o aelodau, yr uchaf ers 2017, ac mae ein haelodaeth gyffredinol wedi codi'n gyson dros y pedwar mis diwethaf i gyrraedd 81,134. Diolch i chi am eich cefnogaeth. Golygai’r llais cyfunol hwn ein bod gennym y gallu i sicrhau mynediad, cefnogi cyfranogiad a pherfformiad a diogelu'r lleoedd yr ydym yn anturio ynddynt. Bu Mynediad a Chadwraeth yn ffocws mawr eleni. Ailagorwyd Skeleton Ridge ar Ynys Wyth ar ôl pedair blynedd, fe ddynodwyd yr wyth craig sy'n eiddo i’r BMC yn dir mynediad agored o dan y Ddeddf Cefn Gwlad a Hawliau Tramwy (CRoW act), ac fe wnaethom wella hygyrchedd Chwarel Horseshoe drwy Ymddiriedolaeth Tir ac Eiddo’r BMC. Ochr yn ochr â'r gwaith ymarferol yma, bum yn arwain y ffordd o ran ymgyrchu dros ddiwygio mynediad ehangach drwy'r Grŵp Seneddol Trawsbleidiol dros Fynediad at Natur a Hamdden Awyr Agored, yr Adroddiad Outdoors for All a'n hymgyrch Gwersyllwn yn Wyllt.

Fe wnaethon ni barhau i gyflawni gwaith cadwraeth ar lawr gwlad. Gweithiodd gwirfoddolwyr i dynnu 4,282 o eitemau o sbwriel oddi wrth y mynydd yn ystod ein hail Lanhad Mawr yr Wyddfa, fe wnaethom ni gefnogi amddiffyniadau dros adar yn nythu, monitro amgylcheddau alpaidd sensitif, a chyfrannu at brosiectau adfer ucheldir, gan gynnwys atgyweirio llwybrau yn Eryri ac Ardal y Llynnoedd. Ymunodd mwy na 140 o wirfoddolwyr yn y gwaith drwy Ymddiriedolaeth Mynediad a Chadwraeth y BMC, gyda’n gwaith hinsawdd yn derbyn cydnabyddiaeth ryngwladol.

Daeth nifer fawr o aelodau ynghyd drwy ddigwyddiadau, cystadlaethau a chyfleon gwirfoddoli, o’n digwyddiad Basecamp cyntaf a gwyliau rhanbarthol i’r 32 Cyfres Ddringo Ieuenctid, Pencampwriaethau Cenedlaethol, a dychweliad ein Cyfarfodydd Rhyngwladol Gaeaf a Haf. Mae’r rhain yn parhau i fod yn rhan hanfodol o sut rydym yn cysylltu, yn datblygu ac yn dathlu ein cymuned.

Roeddwn i'n ffodus i gael mynychu nifer fawr o'r digwyddiadau hyn yn ystod y flwyddyn, gyda'r BMC yn cefnogi mwy nag 89 o weithgareddau a 48 o deithiau cerdded bryniau dan arweiniad gwirfoddolwyr wrth i ni gyrraedd dros 900,000 o bobl mewn person ac ar-lein. Roedd Gŵyl ClimbOut, digwyddiadau Pencampwriaeth Prydain yn y Depot Mawr newydd yn Wythenshawe ac yn EICA: Ratho yng Nghaeredin, ein gwyliau dringo lleol a'n Rownd Derfynol Fawr Cyfres Ddringo Ieuenctid fwyaf erioed gyda mwy na 500 o ddringwyr ifanc yn rai o’r uchafbwyntiau. Yn 2026, byddwn yn adeiladu ar sail y momentwm yma gyda gŵyl Basecamp yn YHA Castleton a lansiad Gŵyl Gerdded Bryniau newydd y BMC.

Roedd hefyd yn flwyddyn nodedig o ran perfformiad. Roedd teitl Cwpan y Byd Dringo Arwain cyffredinol Erin McNeice yn gamp carreg filltir ac enillodd y wobr Athletwr PLx iddi. Derbyniodd Tom Livingstone ac Ales Cesen y Piolet d’Or am eu esgyniad gyntaf o Grib Gorllewinol Gasherbrum, a chynhaliodd ein Noddwr Syr Chris Bonington ddathliad i nodi 50 mlynedd o ‘Everest the Hard Way’. Croesawon ni 11 o athletwyr i mewn i’r Rhaglen Berfformio, ac fe gefnogwyd mwy na 100 o athletwyr drwy Lwybr Talent Lloegr, a pharhaodd i gryfhau'r llwybr dringo para a Thîm Dringo Iâ a Sgïo Mynydda Prydain Fawr.

Gyda chyllid gan Sport England, rydym wedi parhau i gydweithio â'n partneriaid yn Mountain Training, Cymdeithas Waliau Ddringo Prydain a NICAS. Roedd datblygu Gwobrau Hyfforddi Perfformiad, Safon Genedlaethol a marc rhagoriaeth ar gyfer waliau dringo dan do gyda ffocws ar ddiogelwch a phroffesiynoldeb y uchafbwyntiau, ac fe helpasom i ddarparu rhaglenni datblygu dringo strwythuredig ar gyfer dringwyr ifanc er mwyn iddynt ennill y sgiliau a'r hyder i weld cynnydd yn ddiogel.

Ym mis Ionawr, byddwn yn lansio ein strategaeth Llwybr at Antur 2030 newydd, a ddatblygwyd gydag aelodau ac ar gyfer aelodau. Mae'n dangos sut y bydd y BMC yn parhau i ofalu am ein hamgylchedd a gwella mynediad, cyfranogiad a pherfformiad mewn ffordd gynaliadwy dros y pum mlynedd nesaf, gan sicrhau bod eich aelodaeth yn parhau i gael effaith ystyrlon ar hyd a lled ein hystod eang o weithgareddau.

Y cyfan sydd ar ôl yw diolch i chi am eich cefnogaeth barhaus ac am fod yn rhan o gymuned y BMC. Mae eich help yn gwneud y gwaith hwn yn bosibl ac rwy'n ddiolchgar am yr amser, y gofal a'r ymrwymiad rydych chi'n eu rhoi i'n gweithgareddau a'r lleoedd rydyn ni'n eu gwerthfawrogi. Edrychaf ymlaen at adeiladu ar y gwaith hwn gyda'n gilydd yn 2026.

Dymunaf dymor Nadoligaidd bendigedig i chi a Blwyddyn Newydd iach ac anturus.

Paul Ratcliffe, Prif Swyddog Gweithredol y BMC